អ្នកម្តាយដែលមានអាយុ ៣៥ ឆ្នាំ គួរពិនិត្យអ្វីខ្លះ ?

 

អ្នកម្តាយដែលមានអាយុ 35 ឆ្នាំ គួរពិនិត្យអ្វីខ្លះទៅ ? 

ដើម្បីឱ្យដឹងថា ម្តាយមិនមានហានិភ័យនោះ 

- អ្នកម្តាយគួរទៅពិនិត្យអេកូពោះ 

-ជោះឈាមមើលក្រូម៉ូសូម

- ពិនិត្យកោសិកាសាច់សុក 

- និងពិនិត្យទឹកភ្លោះ ។ 

ប្រសិនបើដឹងថា អ្នកមានផ្ទៃពោះនោះ ដើម្បីជៀសវាងបញ្ហាផ្សេងៗ ដែលអាចកើតឡើងចំពោះកូនរបស់លោកអ្នកបាន គួរទៅពិនិត្យផ្ទៃពោះ និងផ្ញើពោះ ឱ្យបានទៀងទាត់តាមវេជ្ជបញ្ជារ ។ 

សូមអរគុណពត៌មានពីមន្ទីរពេទ្យផ្យាថៃ ២

ការពិនិត្យសុខភាពការដេក (Sleep test)

អ្វីទៅគឺជា ការពិនិត្យសុខភាពការដេក (Sleep test)

        ការពិនិត្យសុខភាពការគេងគឺជា ការត្រួតពិនិត្យដែលនាំយកទិន្នន័យមុខងារ
របស់ប្រព័ន្ធការដកដង្ហើមក្នុងកំឡុងពេលដេក និងការធ្វើចលនាសួត ពោះ និង
ខួរក្បាល បេះដូង សាច់ដុំ កំរិតអ៊ុកហ្សីសែនក្នុងឈាម  ។ បច្ចុប្បន្នចាត់ទុកថា  វាជាការពិនិត្យមាត្រដ្ឋានស្តង់ដាមាស​ ( Gold Standard) សម្រាប់ការវិនិច្ឆ័យការ
បាត់ដង្ហើមក្នុងកំឡុងពេលដេក​ប្រភេទដែលស្ទះ និងជម្ងឺផ្សេងៗ ដែលទាក់ទង
និងការដេកលក់   (Obstructive sleep apnea; OSA) ។

គោលបំណងនៃការពិនិត្យការដេក

        ដើម្បីបញ្ជាក់ការវិនិច្ឆ័យថាអ្នកជម្ងឺមានការបាត់ដង្ហើមពិតមែនឬអត់ ហើយ
អាចប្រាបពីកំរិតនៃភាពអន្តរាយរបស់រោគថា ​មានការបាត់ដង្ហើមក្នុងកំឡុងពេល

ដេកតិចឬច្រើនប៉ុណ្ណា និងការពិនិត្យ Sleep test បែបដែលមានប្រើឧបករណ៍

វាស់ពីកំរិតអាកាសរួមផងដែរ ដើម្បីជំនួយដល់វេជ្ជបណ្ឌិតដឹងពីតម្លៃ

នៃសម្ពាធរបស់ឧបករណ៍អាកាសធាតុ ដែលត្រូវប្រើសម្រាប់ព្យាបាល

អ្នកជម្ងឺម្នាក់ ៗ ។

ពេលណាទើបគួរទទួលការពិនិត្យការដេកលក់ ? 

·       អ្នកដែលដេកស្រម៉ុកខ្លាំង  និងអ្នកផ្សេងៗទៀត សង្កេតឃើញថា មានអាការៈ
ដកដង្ហើមផុតៗ​ និងជួនកាលបាត់ដង្ហើម ។

·           អ្នកដែលងងុយគេងពេលថ្ងៃច្រើនជាងធម្មតា​ ទោះបីជាបានដេកគ្រប់គ្រាន់
ហើយ (ប្រហែល ៧ ៨​ ម៉ោង)

·          អ្នកដែលមានការដេកខុសប្រក្រតីផ្សេងៗទៀត ដូចជា ដៃជើងញាក់ៗពេលដេក ដេកខាំធ្មេញ​ដេកល្មើ ដេកសុបិន្តអាក្រក់ ឆាប់ភ្ញាក់ ជាប្រចាំ ជាដើម ។

ការត្រៀមខ្លួនមុនត្រួតពិនិត្យ 

នៅក្នុងថ្ងៃធ្វើតេស្ត អ្នកជម្ងឺគួរអនុវត្តដូចតទៅនេះ 

·     គួរស្លៀកពាក់ខោអាវសម្រាប់ដេកជាប្រចាំថ្ងៃ ធ្វើចិត្តឱ្យសប្បាយ                       មិនចាំបាច់ព្រួយបារម្ភ ។

·     ចៀសវាងការទទួលទានកាហ្វេ តែ ភេសជ្ជៈដែលមានជាតិអាល់កុល ។

·     មិនគួរប្រើចាហួយលាបសក់ ឬក្រែមលាបសក់ ។

·     គួរដេកក្នុងឥរិយាបថដែលងាយស្រូល និងថ្នឹកបំផុត។

·     គួរផ្តល់ដំណឹងដល់បុគ្គលិកនិងពេទ្យ​ឲ្យបានដឹង ​ពីថ្នាំដែលព្យាបាលរោគ
ប្រចាំខ្លួន ដូចជា ថ្នាំបញ្ចុះសម្ពាធឈាម ថ្នាំទឹកនោមផ្អែម ឬថ្នាំគេងលក់ ។

·     ចៀសវាងការដេកថ្ងៃ មុនថ្ងៃធ្វើតេស្ត ។

សូមអរគុណប្រភព មន្ទីរពេទ្យផ្យាថៃ ២